मोहोट्याचापाडा येथे ‘शिव छत्रपती चषक २०२६’ ओव्हर आर्म क्रिकेट स्पर्धेचे आयोजन

वाडा तालुक्यातील मोहोट्याचापाडा येथे ‘गांवदेवी यंग स्टार मोहोट्याचापाडा’ यांच्या वतीने भव्य शिव छत्रपती चषक २०२६ ओव्हर आर्म क्रिकेट स्पर्धेचे आयोजन करण्यात आले आहे. ही स्पर्धा दि. २६, २७, २८ फेब्रुवारी व १ मार्च २०२६ या कालावधीत उत्साहात पार पडणार आहे.

ग्रामीण भागातील क्रिकेटपटूंना व्यासपीठ मिळावे, खेळाडूंमध्ये क्रीडास्पर्धेची भावना वाढीस लागावी आणि तरुणाईला सकारात्मक दिशा मिळावी, या उद्देशाने ही स्पर्धा आयोजित करण्यात आली आहे.

सामन्यांचे थेट प्रक्षेपण युट्यूब लाईव्हद्वारे होणार असल्याने क्रिकेटप्रेमींमध्ये विशेष उत्सुकता निर्माण झाली आहे. परिसरातील क्रिकेटप्रेमींनी मोठ्या संख्येने उपस्थित राहून खेळाडूंना प्रोत्साहन द्यावे, असे आवाहन आयोजकांनी केले आहे.